Saytni ishga tushirishdan oldingi ro'yxat
Sayt bir marta ishga tushiriladi, tekshirilmagan mayda-chuydalar oqibati esa oylar davom etadi.
Kontent va texnika
Barcha til versiyalarida imloni, narxlar dolzarbligini va Lorem ipsum kabi to'ldiruvchi matnlar yo'qligini tekshiring. O'zbekcha versiyani alohida ko'ring — u ko'pincha qisman ruscha qolib ketadi.
Ishlab chiqishdan qolgan indekslash taqiqi olib tashlanganini, HTTPS ishlashini, robots.txt, sitemap.xml va hreflang sozlanganini tasdiqlang.
Formalar va analitika
Har bir formani o'zingiz yuboring: xat keldimi, Telegram bildirishnomasi tushdimi, ariza CRM'ga yozildimi.
Analitika o'rnatilgan, forma yuborish bo'yicha maqsadlar sozlangan, mobil tezlik o'lchangan.
Xavfsizlik va topshirish
Barcha standart parollar almashtirilgan, avtomatik zaxiralar yoqilgan, monitoring sozlangan. Maxfiylik siyosati va oferta e'lon qilingan.
Eng muhimi: domen, hosting, admin panel va analitikaga kirish huquqlari sizga rasmiylashtirilganiga ishonch hosil qiling.